Ang Hutoy...BOW

ang hutoy..bow

Niadtong pipila ka semana na ang milabay, ako nag-inudhak ug perteng hutoy. Nagtuo nga maayo sa the usual lang nga tambal...ang LAAG ug San Mig Lite...napakyas ako tungod kai usa ka Biyernes ug 2 ka Sabado na ang nangagi, wala gayud maayo ang ang ubo...nahadiin-diin na lamang ako...ma-Dustria man o Bebidas, wala gayud mu-epekto ang ilang San Mig.

Mao nga naka-desisyon ako tungod sa kaambungan ni Aga Muhlach ako na-enganyo pa-inom ug Solmux aron mabang-bang ang ako udhak. Apan pakyas gihapon ako kai wa epek ang maong tambal. Pwes, gisulayan ko ang Sinecod, tinuod dli na kaau permanente ang ako pamaghot apan nagsakit ang akong dughan kai lagi sustained-release tablet ang maong tambal. Tuod man wala gihapon mipatuo ang matang sa kagaw nga mitapot sa ako baga.

Hangtud nga nangayo na ako ug resita sa doktor, busa gi-papalit ako ug tambal nga ginganlan ug Rulid (antibiotic) 10 ka buok nga paga-imnom ko kaduha sa usa ka adlaw. Mingadto dayon ako sa akong suking botica nga Mercury Drug ug sa dihang mubayad na ako hapit maau ang ako ubo...piskot ang 10 ka tabletas P1,150. Mas mahal pa man sa maintenance sa ako amahan ug inahan combined! Mao nga tungod niining tambala pugson ko gyud nga mawagtang na kining akong balati-an kai ang usa ka libo sa lima ka-adlaw nga tumaron ko lang wa gyuy sama ka pait. May pa ug mag-inom kog Red Horse nalingaw pa ko...asta pa ang ako mga kauban....Mirisi oi!!! Hala Malu ipagawas ang VENTOLIZER!!!!!